12 МАЯ - МІЖНАРОДНЫ ДЗЕНЬ МЕДЫЦЫНСКАЙ СЯСТРЫ

• 10.05.2024
• 998 Views

Міжнароднае ўшаноўванне гэтага свята сведчыць аб прызнанні сусветнай супольнасцю значнасці прафесіі. Медыцынскія сёстры - людзі самай гуманнай і запатрабаванай спецыяльнасці.

Міжнародны дзень медыцынскай сястры прымеркаваны да дня нараджэння заснавальніцы сястрынскага руху, англійскай сястры міласэрнасці Флорэнс Найтынгейл.

У календары 12 мая знаходзіцца недалёка ад знакавай для нашай краіны даты - Дня Перамогі. Гэта вельмі сымбалічна. За подзвігі ў ваенны час шэсць беларусак - медыцынскіх сясцёр, удзельніц Вялікай Айчыннай вайны, былі ўзнагароджаны медалём Флорэнс Найтынгел.

І ў мірны час ёсць месца подзвігу. Не сцерліся яшчэ з памяці падзеі пачатку пандэміі COVID-інфекцыі, калі, пабароўшы свой страх, знаходзячыся перад невядомасцю, са словамі «калі не я, то хто», большасць з нас змаглі стаць адзіным цэлым і годна выдужыць у той няпросты час.

Паважаныя калегі, усе спецыялісты з сярэдняй медыцынскай адукацыяй! У гонар прафесійнага свята прыміце добрыя пажаданні здароўя і шчасці, міру і дабрабыту, дастатку і стабільнасці! Задавальненні ад уласнай працы, цяпла і разумення ў коле сям'і, пашаны і павагі сярод калег. Няхай ваша прафесійнае майстэрства, гуманнасць і міласэрнасць, чулае сэрца і ўмелыя рукі заўсёды будуць запатрабаваны і па заслугах ацэнены.

Адмiнiстрацыя Установы аховы здароўя «11-я гарадская клiнiчная бальнiца»